Sdang ka Lord’s Mark Industries bad Unnat Bharat (Govt. of India) ïa ka off E Smart Clinic Project Pan India da ka jingplie ïa ka AIIMS Rajkot

Shillong, Lber:

Ka Lords Mark Industries Ltd, kawei na ki karkhana bapaw nam bha ban shna ïa ki IVD, ryngkat ka jingïatreilang bad ka Unnat Bharat Abhiyan, kaba long ka National Programme da ka sorkar India, hapoh ka jingtreikam jong ka FITT (Foundation for Innovation and Technology Transfer), IIT Delhi na ka bynta ki kam kiba ïadei bad ka E Smart Clinic project ka thmu ban wanrah ïa ka jingkylla ha ka liang ka jingshakri ban pynïoh ïa ki lad ki lynti ban ai jingsumar ïa ki shnong ki thaw ha ki thaiñ nongkyndong ka India. Ïa kane ka projek la plie da u Myntri Rangbahduh ka ri u Narendra Modi ha AIIMS Rajkot.

Kane ka sienjam treikam ka la mih haduh ka jingïasoi ïa ka soskular ïasngewthuh jingmut ne ka Memorandum of Understanding (MOU) hapdeng ka Lords Mark Industries, bad ka Unnat Bharat Abhiyan ha IIT Delhi ha ka 22 tarik ,u Rymphang, 2024.

Haba kren ha katei ka lympung, u Manav Teli, Executive Director, Lord’s Mark Industries Ltd, “Nga sngewkmen ban ïohi ïa ka jingurlong jong ka kam ïa kaba la ïasnohkti lang ban trei bad ka Unnat Bharat Abhiyan ha kaba ïadei bad ka jingwanrah ban pyntreikam ïa ka E Smart Clinic project. Kane ka sienjam treikam ka pyni ïa ka jingaiti jong ngi sha ka kam da kaba wanrah ïa ki buit treikam thymmai khnang ba yn lah ban pynpoi ïa ki lad ai jingshakri ha ka liang ka jingai jingsumar, ban nang pynkupbor ïa ki riew shimet ha kylleng ki jaka kyndong ka India da kaba yn lah ban tip ïa ki jingshitom ha ka met da ka jingpyndonkam ïa ki buit stad thymmai bad ïoh ruh ka jingïakren bad phylliew jingmut bad ki doktor kiba tbit ïoh bad kaba lah ban ïakot bor. Ngi ngeit ba kane kan long u mawjam sha ka jingpyrshang ban pynurlong ïa ka jingthmu ban pynïoh ïa ki lad ai jingshakri ban sumar ïa baroh ki nongshong shnong ka ri.”

Kane ka E Smart Clinic, ïa kaba la pynmih da ka Lords Mark Industries ryngkat ka jingïatreilang bad ka Dozee kaba dei ka shnart kaba ïa la ïatehlok ha ka liang ka teknologi ban tip ïa ka jinglong jingman jong ki nongpang khlem da hap ban pyndait da kiei kiei na shabar. Lah ruh ban leh ha ka ban Test snam tang hapoh 20 minit, kane ka Clinic ka pynïasoh bad ki nongpang na ki shnong ba kyndong ba ki doktor kiba tbit tam lyngba ka Online, ha kaba kin ïakren bad ki da ka ktien jong ki hi. Ka Lord’s Mark Industries ka la dep ban kam kynti ne Patent na ka bynta ka Biochemistry bad ïa ka Health Kiosk, ha kaba ka jingbit jingbiang jong ka rukom leh ka long 99 na ka shispah. Kane ka long kum ka dak ka shin ha ka sien ba nyngkong ha ka pyrthei na ka bynta ban wanrah ïa ki lad ki lynti ban sumar ïa ki nongpang ban lap ïa ki jingpang ha ka dor kaba rit, kaba don lang ruh bad ka jinglah ban ïakren lyngba ka Online bad ki doktor kiba tbit bha kaba ïahap bad ka jingangnud jong u Myntri Rangbahduh ka ri ban pynïoh ïa ka jingsumar ha ka dor kaba bit.

U Vijendra Kumar Vijay, National Coordinator ha ka Foundation for Innovation & Technology Transfer, IIT Delhi, u la pynpaw ia ka jingangnud kaba bha ha kaba iadei bad ka jingiatehlok, da kaba ong, “Kane ka jingiatehlok hapdeng ka Lord’s Mark Industries Ltd, Unnat Bharat Abhiyan, bad FIIT ka pynpaw ia ka jinglah jong ki ban jam sha khmat sha ka thong jong ka jingiatreilang ban pynioh ia ki jingshakri ha ka liang ka jingsumar sha baroh. Da kaba pyndonkam ia ki kor ki bor teknology bad ki buit stad treikam ba thymmai, ngi la lah ban wanrah ka jingkylla ha ka jingim jong ki million ngut ki briew. Nga la lah ban iohi ia ki jingkylla kiban wan bad kaban wanrah shisha ia ka jingbha ha ka liang ki lad ai jingsumar ha ka lawei nan wan.”

Hadien ka jingjop ia ki jingpyrshang ha ki san tylli ki centre kiba nyngkong, yn sa sdang ban pyntreikam ia ki E Smart Clinic ha kylleng ka India, ryngkat ka jingiatreilang bad ki shlem bapher bapher kiba pynpaw ia ka jingsngewkwah ban pyniaid ia ka kam wat sha bar ri. Da ka jingaitilut ban trei na ka bynta ka ri, ka Lords Mark Industries ka thmu ban pynioh ia ki jingshakri jonb kine ki clinic ha baroh kawei ka ri, da kaba wanrah ia ka jingtyrwa ban leh ia ka test bad ka jingiakren bad ki doctor tang hapoh 1000 tyngka iwei I nongpang.

Ka iew jong kine ki E Smart Clinic ha India ka la tam ia ka 3000 klur, kaba wanrah shuh shuh ia ki kabu na ka bynta Lords Mark Industries ban shalan ia ki jingdonkam bapher bapher na ka bynta ban leh ia ki test ba ha rukom. Ka Unnat Bharat Abhiyan, kaba don ha palat 16,000 tylli ki shnong ha kylleng ka ri, kan don ka bynta kaba khraw bha na ka bynta ban nang pynbna bad pyntreikam ia ki E Smart Clinic project.

Ka jingpyllait piadbah ia ka E Smart Clinic project ka long kum ka dak jong ka jinglah ban jam sa uwei u mawjam ha ka jingpyrshang ban pynioh ia ki lad ki lynti ban ai jingsumar ha ka dor kaba bit sha baroh ki nongshong shnong, kaba iahap ruh bad ka jingangnud jong ka sorkar ban pynlong ia ka India kaba koit ba khiah bad kaba roi ba par.