Shillong, Lber 12
Ka lympung ïalehkai Super Division Shillong Cricket League ka la bteng biang ha ka Sngi Ba-ar ha kaba ka jingïakhun hapdeng ka Raj Bhawan bad ka Langsning XI CC ka la kut da kaba ïakhaid hadien ba ïoh mar katjuh run.
Ha kane ka jingïakhun kaba la long ha madan Polo, ka Raj Bhawan ka la kam trei ban tied nyngkong ha kaba ka la ïoh 194 run bad shah pynhap 10 wiket ha ki 43.4 over. U Rahul Shah u la lah ban tied 54 run na ki 56 bol bad u Anmol Sunar u la tied 40 run na ki 54 bol. Katba u Deibormi bad u Riboklang Hynñiewta ki la shim mar 2 wiket na ka bynta ka Langsning.
Haba wan ban beh ïa ka thong, ka Langsning XI CC ka la ïoh 194 run bad shah pynhap 8 wiket ha ki 45 over. U Riboklang Hynñiewta u la lah ban tied 83 run na ki 88 bol bad u Rijied Marbaniang u la ïoh 44 run na ki 69 bol. Katba u Anmol Sunar bad u Robin Chettri ki la khur mar 2 wiket na ka bynta ka Raj Bhavan. Ïa ka nam Player of the Match la khur da u Riboklang Hynñiewta.
