Amaravati, Lber:
Ka Bharatiya Janata Party (BJP), ka Telugu Desam Party (TDP) jong u N Chandrababu Naidu bad ka Jana Sena jong u Pawan Kalyan ki la ai ïa ka rai kaba khatduh ha kaba ïadei bad ka jingïasam ïa ki konstitwensi na ka bynta ka ilekshon Lok Sabha bad ilekshon Andhra Pradesh Assembly ki ban sa wan.
Ka BJP kan sa ïakhun ha 6 tylli ki Lok Sabha bad 10 tylli ki Assembly konstitwensi, ka seng TDP kan sa ïakhun ha 17 tylli ki Lok Sabha bad 144 tylli ki Assembly konstitwensi bad ka Jana Sena ka la ïoh ban ïakhun ha ki 2 tylli ki Lok Sabha bad 21 tylli ki Assembly konstitwensi.
Ka Andhra Pradesh ka la don baroh kumba 25 tylli ki Lok Sabha bad 175 tylli ki Assembly konstitwensi. Ïa kane ka rai la ai hadien ba ki heh nongïalam jong ka seng BJP, kynthup u Myntri ka sorkar kmie u Gajendra Singh Shekhawat, ki la ïakynduh ïa u Naidu bad ïa u Kalyan ha ka lah sngi U Blei na ka bynta ban ai ïa ka rai kaba khatduh halor ka thup kyrteng jong ki kyrtong. Ïa ka jingïatreilang hapdeng ka BJP, TDP, bad Jana Sena la pynbna da u heh nongïalam jong ka seng BJP u JP Nadda ha ka 9 tarik, Lber.
