Ngi jied ïa uno-uno u nongmihkhmat ba un leit ïasaid napoh ïing dorbar thaw aiñ (Assembly) ïa ki mat ba ktah ïa ka Ri bad ka Jaitbynriew. Bad kumjuh un wanrah ki kam pynrpoi hapoh Ri shnong ki thaw kiba hap hapoh ka Constituency. Ngim jied ïa u nongmihkhmat (MLA) ba un leit pynlong jingïakhih leit shong kyllain myngngor bad shah thngan ha ki par-king lot. Ban pynlong jingïakhih ka dei ka kamram jong ki kynhun seng bhalang ym jong ki nongmihkhmat ba la shah jied kum ki nongïasaid ban pynioh ki kam pynroi (Development) ha ki Constituency. Ka jingpynlong jingïakhih jong ki nongmihkhmat ka pyni ba kim ñiewkor shuh ïa ka kyrdan ba ki bat kum u ksiang ka Ri bad ka Jaitbynriew.
C. B. Iawphniaw
