Shillong, Lber 12
Ha kawei ka jingjia, u Kejon N Marak na ka shnong Cheran Alda, East Garo Hills, u la ujor ba ha ka 23 tarik Jylliew, 2023, kawei ka ATM Card jong u Mama jong u, ka la jah hadien ba la don kiba tuh.
Kham hadien, u Kejon u la ïoh jingtip ba ki runar ki la sei tuh haduh T.58,000, kaba dei ka pisa ban shna ïing, na ka Bank Account u Mama jong u. La ong ba ïa kane ka pisa la sei da kaba pyndonkam da katei kajuh ka ATM Card kaba la shah tuh.
Ha kawei pat ka jingjia, u Tapson Kar u la ujor ba ha ka 7 tarik Lber hapdeng 10 baje mynstep bad 1 baje mynsngi, ki runar ki la tuh ïa ka ksiar ka ksah, pisa T.10,000, ATM Card bad kiwei na ka ïing sah jong u kaba don ha Hawakhana, Tura.
