London, Lber:
Ki heh pulit ka nongbah London ha ka Sngi U Blei ki la iathuh ba ki la bat noh ia uwei u briew uba leit tynrah ia ka phalor jong ka Buckingham Palace ha katei ka sngi.
La ong ba katei ka kali ka la leit tynrah beit-beit ia katei ka phalor jong katei ka iing ba kyntang bad ka iing ba la ñiew burom tam eh kaba don ha katei ka nongbah bad kane ka la jia ha ka por kumba 2:30 nohphai sngi jong ka Sngi Saitjaiñ.
Ki pulit ki la kem noh ia utei u nongñiah ha katei hi ka por da ka jingsuba ba ioh u thmu ban pynmynsaw ne thmu thombor ia ki nongialam kiba don ha katei ka iing Palace.
La iathuh ba ka long kaba donbok ba ym shym la don ba ngat ne mynsaw ha katei ka jingjia namar kiba don ha katei ka jaka ruh ki don kham sha pajih ha katei ka por ba katei ka kali ka leit rat ia katei ka phalor jong katei ka iing Palace.
Ki bor pyniaid ki la phah pynjur ia ka jing pahara ha katei ka sngi ioh don kano- kano ka jingma kaba ap ia katei ka iing kiba khraw kyrdan jong ka ri Britain hynrei la ong ba ym shym la lap daw sniew eiei haba iadei bad katei ka jingjia ha katei ka sngi.
