Shillong, Lber 14
Ka Nongmensong CC ka la jop ha ka lympung ïalehkai Super Division Shillong Cricket League, hadien ba ka la lah ban pynliem ïa ka Sporting CC da 4 wiket ha ka Sngi Balang ha madan Polo.
Ha kane ka jingïakhun, ka Spor -ting ka la kam trai ba kan tied nyngkong da kaba ïoh 120 run bad shah pynhap 10 wiket ha ki 34.5 over. U Rohit Kr Yadav u la tied 23 run na ki 32 bol bad u Purav Agarwal u la ïoh 23 run na ki 39 bol. Katba u Santosh PM u la shim 3 wiket bad 2 wiket da u Himan Phukan.
Haba wan shimti ïa ka pali kaba ar, ka Nongmensong ka la lah ban kynjoh sha ka thong da kaba ïoh 125 run bad shah pynhap 6 wiket ha ki 29.2over. Kane ka la wan lyngba ka jingïalehkai bha u Jaskirat Singh uba la ïoh 53 run na ki 72 bol bad u Arpit 17 run na ki 36 bol. Katba u Manish Sharma u la shim 4 wiket bad 2 wiket da u Indrajit Rai. Ïa ka nam Player of the Match la khur da u Santosh.
