Moscow, Lber:
U President ka Russia, Vladimir Putin ha ka Sngi Balang u la maham jur biang ia ka United States bad ong ba ka Russia ka la pynkhreh ban sdang noh da ka thma Nuclear lada ka US ka leit ban ai jingkyrshan biang ia ka Ukraine ha katei ka jingiakhun thma jong ka pyrshah ia ka Ukraine.
La ong ba utei u nongialam ba hakhlieh duh jong ka Russia, u la ong ba katei ka jingleit hiar thma jong ka Russia kam i don jingmyntoi ban shu iaid kumjuh lada bun ki nongkyrshan ia ka Ukraine, bad kumta ka Russia ka donkam ban sdang noh da ka thma Nuclear lada kiwei ki ri kin nang iai don bynta ha ka jing-iakhun thma jong ka pyrshah ia ka Ukraine nangne sha khmat.
Namar u Putin u la ong ba ka US ka tip shai ba lada kan phah ia ki shipai jong ka sha khappud jong ka Russia lane sha Ukraine ruh, ka Russia kan ñiew beit ba ka long ka jingiatrei lang jong ka US ban ai jingkyrshan ia ka Ukraine bad ban iakhun pyrshah ia ki shipai ka Russia
