New Delhi, Lber 14 (UNI)
Hashwa ka jingpynbna ïa ki tarik ilekshon MP Lok Sabha bad ka jingpynjari ïa ka Model Code of Conduct, ka Sorkar Pdeng ha ka Sngi Palei ka la pynbna ba la pynhiar ïa ka dor jong ka umphniang Petrol bad Diesel da mar T. 2 man ka shi litre.
Haba pynbna ïa kane, u Myntri ka tnat Petroleum bad Natural Gas, u Hardeep Singh Puri, u la ong ba ka dor bathymmai jong ka Petrol bad Diesel kan treikam naduh ka por 6 baje mynstep jong ka Sngi Thohdieng.
Nalorkata, ka tnat ka la pynbna ba baroh ki kompani umphniang ki la pynthymmai ïa ka dor jong ka Petrol bad Diesel ha baroh kawei ka Ri hadien ba la pynhiar ïa ka dor da T. 2.
Lah ban kdew ba ha ka 8 tarik Lber, ka Sorkar Pdeng ka la pynhiar ïa ka dor jong ka tyndong lyer shet lane LPG da T. 100.
