Kane ka Riti dustur ai jait kpa ha ri Bhoi ha ka kyrteng Shaw Bhoi/Shaw Buri/Ringbia ka sakhi shai ba ha ri Khasi mynshuwa ruh ki ai jait kpa. Te kane ka rukom kaba dang neh dang sah haduh mynta la dei ban pynneh pynsah ban ym duh jait kane ka rukom ai jait kpa ïa ki khun jong ka kmie bym dei Khasi bad u kpa u dei u Khasi paka. Te kan eh aiu ïa ki khun u kpa Khasi bad ka kmie bym dei Khasi ruh ban ai jait shim jait na u kpa Khasi. Kine ruh don ïa ka hok namar ki ioh ïa u symbai Khasi. Haba ïa ki khun ki kpa bym dei Khasi bad ka kmie ka dei ka Khasi la pdiang ban ai jait sha ka kmie. Balei pat ïa ki khun u kpa Khasi ka bym bit ban ai jaid kpa? Kane ka long ka dustur noh shiliang thohbruin thohbrew u Khasi ka pynmih ïa ka kur Khasi ka bym dei hok ban ai jait sha ka kmie ia ki khun shipiah ne ki khun na ki kpa bym dei Khasi, wat la ka kmie ka dei ka Khasi ruh. Ka la dei ka por ban ithuh noh ïa ki khun u kpa Khasi watla ka kmie kam dei ka Khasi ruh na ka bynta ban pynneh pynsah ïa ka kur ka jait ba dei hok u Khasi. Kano kano ka aiñ kam dei ban noh shiliang.
C. B. Iawphniaw
