Itanagar, Lber:
Kum ka jingai sngewbha na ka bynta ka jingrakhe ïa ka jinglehkmen Holi sha ki nongtreikam sorkar ha ka jylla, ïa ki nongtrei kiba la shongthait bad sha ki longïing jong kiba la shongthait, ka sorkar Arunachal Pradesh ka la nang pynbha ha kaba ïadei bad ka jingtreikam ïa ka Dearness Allowance (DA) bad Dearness Relief (DR) da 4 per cent, ka ban sa pyntreikam naduh ka 1 tarik, Kyllalyngkot, ha une u snem.
Ki la don kumba 68,818 ngut ki nongtreikam sorkar ha ka jylla bad 33,200 ngut kiba la shongthait na ki kam jong ki. Da kane ka jingpyntreikam ka DA bad ka DR baroh jong ki nongtrei ka la poi sha ka 50 per cent na ka 46 per cent ba la ai bad shuh shuh ha kaba ïadei bad kiwei pat ki jingpynlut na ka bynta ka sorkar jylla halor kane kan sa long mynta da T. 124.20 klur shi snem.
