Shillong, Lber 14
Uwei u rangbah ba la tip kyrteng kum u L Suchiang u la ujor sha ki pulit ba ha ka miet jong ka 3 tarik Lber ha ka por kumba 9:30, ki runar kiba la don kumba 3 haduh 4 ngut, ki la shoh la dat ïa u ha Mawlai Nongkwar bad ha kajuh ka por, ki la knieh ïa ka Mobile Phone, ka pisa `4,000 bad ki kot ki sla bakongsan.
Ha kawei pat ka jingjia, u R Rapthap u la ujor ba ha ka 13 tarik Lber ha ka por kumba 7:00 baje mynstep, ki runar ki la tuh ïa ka Music System na ka kali jong u (ML-05L-4936) na Mawlai Ïewrynghep, Shillong.
Ka khubor na ki pulit ka ïathuh ba u Lodesstar Ryngnga, Site Technician, Indus Tower Ltd., Airtel Shillong u la ujor ba ha ka 12 tarik Lber, u la lap ba ki runar ki bym lah ban ithuh ki la tuh ïa lai tylli ki Remote Radio Unit na uwei u Tower na Mawbah, Jhalupara, Shillong.
Shuh shuh ki pulit ki la ïathuh ba uwei u nongshong shnong na South West Khasi Hills u la ujor ba ha ka 8 tarik Lber ha ka por kumba 9:10 mynmiet, u la ïoh ïa kawei ka ‘message’ ha ka phone jong u ha kaba la kyntu ba u dei ban ai jingtip thymmai halor u nombor PAN Card jong u. Haba u la leh kumta, u la shah pan ïa u One-Time Password (OTP) bad hadien kata, u la shem ba ka pisa kaba T. 49,997 ka la shah ot na ar tylli ki Bank Account jong u.
