Shillong, Lber:
Ka Sorkar Jylla ka la rai ban shim jaka ha Rongakgre ha East Garo Hills district na ka bynta ban buh ïa ka jaka pynlang ñuit.
Lyngba kane ka sienjam, ka jingpynkhuid ïa ki jaboh jabaiñ kan long katkum ka jingstad saïan bad yn pynïakhlad ruh hapdeng kiba pyut bad bym pyut nalor ki lad ban pynthymmai pat ïa ki jaboh jabaiñ.
Ka Kynhun Myntri ka la mynjur ruh ïa ka jingpynkylla ïa ka Meghalaya Urban Affairs Service (Gazetted) Rules, 2024 bad ka Meghalaya Cooperative Service Rules, 2023.
Shuh shuh ka Kynhun Myntri ka la kynthup ruh ïa ka jingngam um hapoh ka State Disaster Response Fund (SDRF) ka ban pynlah ban shim ki lad ki lynti haba don kiba ngam jyllop bad ki lad ban ai jingïarap pisa ïa kiba pyllait im.
Ka Kynhun Myntri ka la mynjur ruh ban pynïar ïa ka jingsam bording ilektrik sha nongkyndong hapoh ka skhim RDSS khnang ban ïoh bording ilektrik ki shnong bym pat ïoh bording ilektrik.
