Shillong, Lber 15
Ka Shooting Association of West Garo Hills ka la ïoh ban plie ïa ka jaka siat suloi ne ka Indoor Shooting Range kaba 10m ha Don Bosco Higher Secondary School ha Tura. Ka jingdon jong kane ka jaka ïalehkai kan long ka jingïarap na ka bynta ki khynnah kiba don ïa ka sap ïalehkai siat suloi ba kin nang lah ban pyntbit ïalade.
U P.M Sangma uba dei u President jong kane ka synjuk haba kren ha ka jingïalang u la pynpaw ïa ka jingdonkam jong kine ki jaka ïalehkai ban kyntiew ïa ka jingïalehkai siat suloi na ka bynta ki samla.
