Shillong, Lber:
Ka nongpynmih ïa ka rum umsoh pai banylla na India, ka Piccadily Distilleries, sa shisien ka la pruid dak ïa kiwei ki Rum na India bad ka la thaw histori ïa ka India ha ka rynsan ka pyrthei. Ha ka jingïakop Rum & Cachaça Masters 2024, ka Camikara ka la jop ïa ka Agricole na ka jait rum ba la buh slem eh haba ka la ïoh ar tylli ki takma ksiar ba kawei ka takma rupa: ka Camikara 12 snem ka rta bad 8 snem ka rta ki la ïoh rah ïa ki takma ksiar bad ka Camikara 3 snem ka rta ka ïoh ïa ka takma rupa. Ka Camikara ka dei tang ma ka na ki Brand na India ban ïoh jingjop hapdeng ki Rum kiba kynsai bad ha ka Cachaça Brand na baroh kawei ka pyrthei. Kane ka jingjop donburom ka pyni ba ka Rum ba shna na la ïing ka la mih kum kawei ka nongïaleh badon burom, bad la pynphai khmat ïa ka pyrthei sha kane ka khlur bathymmai na India kaba long ka Camikara.
Ka jingïakop Rum & Cachaça Masters, ba la pynïaid da ka Spirits Business, ka long ka rynsan bapawnam hapdeng ki karkhana shna kyiad kaba la long ha London, UK. Kane ka jingïakop ka long kaba shongkhia namar ka jingjied ba sani bha da kaba shu mad khlem da pypaw kyrteng, kaba pynthikna ba ym don kano kano ka jingleh shiliang ïa baroh ki nongïashim bynta. Ka rukom jied ka kynthup ha ka liang ka jingiwbih, jingbang, jinglong bun syrtap, bad ka jingbiang ha baroh, ka phalang ha ki jinglong ba ïapher ba shna ïa ka Rum bad Cachaça. Da ka jingdon ki briew kiba tbit ha kane ka phang bad ki nongmad kiba tbit kiba long kum ki nongbishar, kane ka jingïakop ka bat ïa ka jinglong kaba hajrong tam ha ka rukom jied. Ka jingkhmih bniah ïa uwei pa uwei u nongïashim bynta ka pyni ïa ka jingaitilut ban jied ïa kaba bha tam napdeng ki jait Rum bad Cachaça.
Haba kren halor ka jingjop, u Siddhartha Sharma, u Nongshem, ka Piccadily Distilleries u la ong, ” Ngi kwah ban pynpra ïa ka jingpyrkhat ba ka Rum ka dei ka jingdih kaba tad dor. Na kata ka daw ngi la pynmih ïa ka Rum umsoh pai ka banylla ha India kaba long ha ka rukom Agricole ba la shna na ka umsoh pai ba dang shu kheit bad ka jingmad kaba pynkynmaw ïa ka jinglong ka suiñbneng, ka khyndew bad ïa u pai. Kane ka Rum ka long kum ka jutang ïa ka khyndew bad ka por jong ngi, kaba ïapher bak-ly-bak na kiwei ki jingshna ba la pynmih ha ka pyrthei. Ki jingpynmih kiba la buh slem, kiba la pynih bha palat ïa ka phra snem, ki long kiba lah ban ïanujor bad ki Cognac bad ïa ka Rum bad kaba kham duna ka rta kaba dang lai snem ka kham ïadei bad ka Premium Tequila, kaba ai ïa ka jingmad jong ka khyndew bad ki jingthung na ka jaka ba la pynmih ïa ka. Ka Camikara ka dei ka jingdih kaba la pynmih na ki jingthung hi bad ba khlem khleh shini”.
Ka India, ka nongpynmih pai ba bun tam ha ka pyrthei, kam ju pynmih ïa ka Rum kaba bha, ka rum kaba remdor- tad haduh ka jingpynmih ïa ka Camikara. Watla ki don shibun ki Brand kiba lah ban ïoh ha ka ïew ha India, ki long ki nongïashim bynta tang ha kaba dang sdang ka jingïakop. Ka Rum na India kaba bha kaba lah ban ïakop ha ka rynsan ka pyrthei baroh kawei bad ban wanrah burom ïa ka ri India ym pat ju wadbniah. La shim ïa kyntien na ka Sanskrit ïa ka ” ksiar kaba um”, ka Camikara ka long ka jinglehkmen jong ka ri, ka por, ka kolshor bad ki nongshong shnong jong ka. Ka Camikara ka la kha na ka bynta ar tylli ki daw: ban wad biang ïa ka mynnor; bad ban prat lynti ïa ka lawei kaba pynlong ïa ka kum ka ‘Rum kaba ym lah nujor bad kiwei’.
