Papua, Lber:
Ka tnat Geological Survey jong ka United States ha ka Sngi Palei ka la pyntip ba u jumai ba 6.0 Magnitude u la pynkhynñiuh ia ka Papua New Guinea ha ka step Sngi Palei, kumba 65 Kilometre sha ka phang Shathie-mihngi jong ka Kimbe.
La ong ba utei u jumai u dei uba la kham jur bad ka jingkhlaiñ ka long kumba 50 Kilometre lane kumba 31 Miles ka jingjylliew na shapoh khyndew. Utei jumai la pynkhynñiuh ruh ia ki bynta ba shabar ka shnong Kimbe, sha ki bynta Sepngi jong ka New Britain ha ka por kumba 1:13 jong katei ka step.
