Shillong, Lber:
Ka Toyota Kirloskar Motor (TKM) ka la lah ban pynkut noh hapdeng ka jingjop ïa ka lympung ñiah kali ba la tip kum ka ‘Great 4×4 Expedition’ ïa kaba la pynlong ha ka thaiñ Shatei- lam -mihngi, ka dei shisha ka lympung kaba la wanrah lang ïa kiba bun ngut ki nongñiah kali kiba sngewtynnad ban ñiah ïa ki kali 4×4 bad kane ka lympung ka la wanrah ka jingïajan hapdeng para nongñiah kali 4×4. Ïa kane ka lympung ba lai sngi lynter, la pynlong naduh ka 8 haduh 10 tarik u Lber 2024, ha kaba ki nongñiah kali 4×4 ki la ïoh ban mad ïa shibun kiei kiei kiba la pynlong ha kane ka lympung bad ki la ïoh ruh ban ñiah ïa ki kali ha ki jaka bad ki them baitynnad jong ka PRP Valley (Guwahati) bad ki la ïoh ban leit ñiah kali ruh sha ki jaka ba itynnad jong ka jylla Meghalaya.
Ka Toyota ka la pynlong ïa kane kajuh ka lympung ha u bnai Jymmang jong u snem 2023, ka jingphai khmat ka long ban ïoh ban wanrah lang ïa ki nongñiah kali kiba sngewtynnad ban ñiah ïa ki kali 4×4 ha India lyngba ki jingïañiah kali ha kylleng ka ri. Ha kane ka lympung la lah ban sakhi ïa ki jinglong ba kyrpang jong ki kali Toyota SUV, kaba thmu ban pynsah jingkynmaw ïa ki nongñiah kali 4×4 Enthusiasts.
Ïa kane ka lympung ñiah kali jong ka thaiñ Shatei-lam-Mihngi ne ka North-east Expedition da ka Toyota ka la sdang ha Vivanta Guwahati bad la bteng ïa ka da kaba ñiah ïa ki kali lyngba ki jaka ba itynnad bad ñiah ruh sha ka them jong ka PRP Valley, kaba long ka jaka jngohkai ba pawnam bha bad ha kajuh ka por kaba long ruh ka jaka ba ju pynlong ïa ki jingïalehkai Sport kaba dawa ïa ka mynsiem bashlur.
Ki jait kali jong ka Toyota’s 4×4 SUV, ki kynthup ïa ka Hilux, LC300, Fortuner, bad Hyryder AWD, ha kaba la sakhi ïa ka jinglong ba kyrpang bad ïa ki kor ki bor teknologi kiba don ha kine ki kali. Kumba palat 80 ngut kiba la wan ban ïashim bynta, kynthup ïa ki bahaïing hasem bad ki paralok, kiba la pynïasoh sha ka ‘Great 4×4 Expedition da ka Toyota’.
U Sabari Manohar, Vice President – Sales-Service-Used Car Business jong ka Toyota Kirloskar Motor, u ong, “Ka jingpdiang sngewbha jong ki nongïashim bynta ka la nang kham pynai mynsiem shuh shuh ïa ka mynsiem bashit rhem jong ngi, bad ngi thrang bai ai bteng ban pynlong ïa kum kine ki lympung ha ka lawei ban wan, da kaba wanrah shuh shuh ïa ka rukom ñiah kaba kham bha shuh shuh da kaba ñiah ïa kine ki kali 4×4 SUV.
