Shillong, Lber 15
Ka Shillong Cricket Association ka la sdang ïa ka lympung ïalehkai Inter Office Shillong Cricket League 2024 ha ka Sngi Thohdieng ha madan Polo ha kaba ka Veterinary ka la ïoh jingjop hadien ba ka la lah ban pynliem ïa ka NEHU da 75 run.
Ha kane ka jingïakhun, ka NEHU kaba la jop ïa kynting pisa, ka la ailad shwa ïa ka Veterinary ban tied nyngkong ha kaba ka la ïoh 188 run bad shah pynhap 4 wiket ha ki 20 over. U Dr. Bateilang Wanswett u la lehkai bha da kaba ïoh 72 run na ki 50 bol bad u Tammaiki Tawang u la ïoh 63 run na ki 43 bol. Katba u Biswajit Dasgupta bad u Manik Das ki la shim mar shi wiket.
Haba wan beh ïa ka thong ba la buh da ka liang pyrshah, ka NEHU ka la ïoh tang 113 run bad shah pynhap 10 wiket ha ki 16.3 over. U Wallam u la tied 45 run na ki 22 bol bad u Tony Lawphniaw u la ïoh 12 run na ki 9 bol. Katba u Praveen Kumar u la shim 3 wiket bad 2 wiket da u Deibormi. Ïa ka nam Player of the Match la ïoh da u Dr. B. Wanswett.
