Shillong, Lber 17
Ka Sorkar Pdeng ha ka Lah Sngi U Blei ka la ai jingbit ïa ka jingtyrwa ka khlur nongrah nar ka ri bad kaba la bat teng kum ka lahduh ha ka pyrthei, ka Mirabai Chanu na ka bynta ban leit kilanmet sha Paris ha shwa ban sdang ka Olympic Games.
Kane ka nongïalehkai kaba na Manipur kaba la khur ïa ka takma rupa ha ka Tokyo Olympics kan leit ban pynïahap ïalade bad ka jinglong ka mariang ha katei ka jaka kumba shibnai ha La Ferte-Milon kaba ha Paris, la pynpaw katkum ka kyrwoh na ka Mission Olympic Cell jong ka sorkar pdeng.
Katei ka nongïalehkai kaba la 29 snem ka rta kan ïashim bynta ha ka kyrdan ïalehkai 49kg ha ryngkat ban synran lang da ar ngut ki coach lem bad ka physiotherapy.
Kumta na ka liang ka Sorkar kan pynlut ïa baroh ki jinglut jingsep naduh ka bai liengsuiñ, ka visa, ka jaka sah, ka bam ka dih, ka bai kilanmet, ki dawai dashin bad kine kin hap hapoh ka Target Olympic Podium Scheme (TOPS).
