Shillong, Lber 17
U District Magistrate ka East Khasi Hills, u S C Sadhu, IAS, u la pynbna ba la mana ban pynlong ïa kino-kino ki jingïa-khih da ki kynhun ha ka distrik baroh kawei hadien ba la pynbna ïa ka ilekshon Lok Sabha ka ban long ha ka 19 tarik Ïaïong. Ha u kyrwoh khubor, u Sadhu u la ong ba yn ym shah ban pynlong ïa ki jingïakhih kum ka jingshah thngan, jingïaid paidbah bad kiwei. U la ong ba ki bor distrik ki la ïoh jingtip ba ki don ki kynhun kiba thmu ban pynlong ïa kine ki jingïakhih.
U la kdew ba u sngew ba kine ki jingïakhih ki lah ban ïalam sha ka jingthud ha ka shongsuk shongsaiñ bad kan ktah ruh ïa ka jingïaid beit jong ka ilekshon Lok Sabha. Namarkata, u la pynjari da ka kyndon 144 CrPC ha kaba la mana ban pynlong ïa kino-kino ki jingïakhih da uno-uno u ‘riew shimet lane kynhun ha East Khasi Hills baroh kawei.
