Guwahati, Lber:
U Myntri Rangbah jong ka jylla Assam u Himanta Biswa Sarma u la pynpaw ba ka jylla ka la lah ban khring ha kaba ïadei bad ka jingbei tyngka kaba la kot sha ka T. 13,364 klur, ha kaba kane ka la lah ban wanrah ïa palat 17,000 tylli ki kam ha ki 14 bnai ba la leit. Kine ki jingbei tyngka ki la long lyngba ka jingïasmai lyngba 21 tylli ki jingtyrwa ba la wanrah da ka kynhun Cabinet jong ka jylla hapoh ka jingtreikam jong ka Industrial and Investment Policy of Assam (IIPA), 2019.
U Sarma u la batai shai da kaba ong ba ka IIPA ka dei kaba la pdiang ha u 2023 na ka bynta ban lum ïa ki jingbei tyngka kiba la kiew sha ka T. 100 klur, da ka jingthmu ban pynmih ïa 200 ne palat ki kam kiba neh. Na kine ki jingtyrwa, ki la don ki MoUs na ka bynta ki 14 tylli ki soskular, kaba ki jingïasoi na ka bynta ki 7 tylli kiba dang sah la dep ban ïasoi shen, la ong u Myntri Rangbah.
U Myntri Rangbah u la ong shuh shuh ba ka jylla ka la trei shitom na ka bynta ban pynïoh shuh shuh ïa ki jingbei tyngka ïa kiba la wanrah ïa ka jingdon jong ki nongbei tyngka ba bun, ba la sdang naduh u Kyllalyngkot jong u snem 2023. U la ong ba ki la don shuh sa kumba 7 tylli ki kompeni kiba la smai mynta ban wanrah bad ban pynmih shuh shuh sa kumba 6500 tylli ki kam lyngba ka jingbei tyngka kaba long da T. 2000 klur. Da kine baroh, lyngba kane ka jingtreikam, ka Assam da ka jingjop ka la lah ban wanrah ïa ka jingbei tyngka kaba T. 13,364 klur bad ka jingpynmih ïa 17,700 tylli ki kam ha palat ki 14 bnai ba la leit, la ong u Sarma.
