Shillong, Lber 17
Ka Nongthymmai Sports Club hadien ba ka la ïoh rung sha ka Shillong Premier League (SPL) ha ka sien ba nyngkong eh ka lympung ba la pynïaid da ka Shillong Sports Association (SSA), ha ka Sngi Saitjaiñ kane ka club ka la ïoh ban pyllait ïa ki jersey ban phong ha ka jingïalehkai jong kane ka aiom ba mynta.
Ha kane ka sngi pyllait ïa ka jersey da ki bor pynïaid jong ka club, la ïadon lang ki Rangbah Shnong na ka shnong Lumsohphoh, Lumbatngen, Lumiablot bad Nongkhyriem, ki dkhot jong ka Club, Coach bad ki Supporting Staff ka club lem ki rangïalehkai bad kiwei kiwei.
Ïa kane ka kynhun jong ka Nongthymmai Sports Club ha kane ka aïom yn ïalam da u Bah Arkibor Mylliem Umlong kum u Coach bad u Johny Manbha kum u kapten ka club.
Ki rangïalehkai ka Nongthymmai ha kane ka aïom ki long u Rudolf Shadap, Samborlang Nongbsap, Matlut Makri, Iohborlang Nonglyer, Mowell Chyne, Samborlang Ryntathiang, Akash Thapa, Anthony Kharkongor, Mohan Gurung, Korbar Dkhar, Johny Manbha, Pollestar Kharjana, Shanbor Jyrwa, Pyndapbok-lang Kharmawphlang, Armanki Kharkongor, Aibanseibor Wankhar, Andyson Lapang, Edyvenson Dkhar, Michaelson Kurbah, Vicky Sharma, Mangdame Kyndiah, Eveningstar Bareh, Charles Lyngdoh, Chandra Tamang, Dawa Lhandup Sherpa, Sukhraj Subba, Omega Vanlaltrualthunga, Lironthung Lotha, Robi Handsa, Nitish Hazra, Senapati Mondal, Roni Das, Urjay Brahma, C Seinlenlal Mate, Yunmam Gopi Singh, Joydeep Gogoi, Rony C Lalenkima, Dlessing Lyngdoh bad u Victorius Suting.
Ka jingïalehkai ba nyngkong jong ka Nongthymmai kan long ha ka 18 tarik Sngi Nyngkong ban ïakhun pyrshah ïa ka Rangdajied United FC ha ka por 3 baje janmiet ha madan SSA ha Polo.
