Gantok, Lber:
U Passang Gyali Sherpa u la shah pynbna kyrteng ba un long u nongaiktien na ka bynta ka seng BJP ha Sikkim. Ha ryngkat kane, ka Sonam Gyatso Sherpa ka la shah thung kum ka State Co-convenor, Intellectual Cell. Shuh shuh nalor kane, la ïathuh ba u Sangay Gyatso Bhutia u la shah thung kum u Vice President ka ST Morcha.
Ha kaba ïadei bad kane, u Girish Chandra Rai, ïa uba dang shen u la pynïasoh bad ka seng Bharatiya Janata Party (BJP), u la shah pynbna kyrteng kum u Special Invitee ha ka State Executive of Sikkim.
U Rai, ïa uba mynta u la don ha ka kam kum u Myntri, u la shah thung ruh ba un long u nongïarap ha ka ban pynïaid ïa ki kam jong ka seng jong ka Melli konstitwensi ha Namchi distrik.
Ha ka shithi ba la phah sha u President jong ka seng ha ka jylla u DR Thapa u la thoh, “Ka seng Bharatiya Janata Party, Sikkim ka la sngewdei ban thung ïa u Girish Chandra Rai (uba long u Myntri barim) kum u Special Invitee ha ka State Executive.
