Shillong, Lber 18
Ka lympung ïalehkai 3rd North East Games 2024 la plie pyrda ha ka Lah Sngi U Blei ha Nagaland kaban ïashim bynta da baroh hynñiew tylli ki jylla jong thaiñ Shatei Lam Mihngi jong ka ri.
Na ka liang ka Meghalaya ka la phah haduh 249 ngut ki nongïalehkai ha ryngkat ka jingsynran lang ki coach bad manager ki ban ïashim bynta ha 14 tylli ki jingïalehkai kiba kynthup ïa ka Archery, Athletics, Badminton, Basketball, Boxing, Football, Belt Wrestling, Freestyle Wrestling, Lawn Tennis, Pencak Silat, Table Tennis, Taekwondo, Volleyball bad Wushu.
Kat kum ka prokram la ong ba ïa ki jingïalehkai yn sdang naduh ka sngi Ba-ar kiba kynthup ïa ka Archery, Athletics, Badminton, Basketball, Boxing, Football, Lawn Tennis, Pencak Silat, Sepak Takraw, Table Tennis, Wushu bad Volleyball.
