Shillong, Lber 18
Ka lympung ïalehkai Inter Office Shillong Cricket League 2024 ba la pynïaid da ka Shillong Cricket Association ka la nangjam shaphang ha kaba ka Meghalaya Teachers ka la ïoh jingjop hadien ba ka la lah ban pynliem ïa ka MeECL da 25 run ha ka Lah Sngi U Blei.
Ha kane ka jingïakhun, ka Meghalaya Teachers ka la kam trai ban tied nyngkong ha kaba ka la ïoh 155 run bad shah pynhap 10 wwiket ha ki 18.4 over. U Maitshaphrang u la tied 34 run na ki 12 bol bad u Sanvert u la ïoh 26 run na ki 19 bol. Katba u Arbinus Syiemïong u la shim 3 wiket bad 2 wiket da u Meban Warjri.
Haba wan beh ïa ka thong ka MeECL ka la ïoh tang 130 run bad shah pynhap 9 wiket ha ki 20 over. U Nerykupar u la tied 35 run na ki 29 bol bad u Sandy Swer u la ïoh 34 run na ki 21 bol. Katba u Banpynshngain Dolloi u la shim 3 wiket bad 2 wiket da u Sanvert B. Kurkalang. Ïa ka nam Player of the Match la khur da u Banpynshngain Dolloi.
