Imphal, Lber:
Kum shi bynta ban pyntikna ha ka ban pynïaid beit-ïaid ryntih ïa ki kam ba ïadei bad ka ilekshon ha ka jylla Manipur kaba la shah ktah jur na ka jingkhie jong ki jingïakynad, u Chief Electoral Officer, u Pradip Kumar Jha, u la ong ba kumba la antad la ong ba kin sa don kumba 200 tylli ki kynhun jong ki shipai pahara ki ban sa shah pyntreikam ha ki thaiñ ba a jingma na ki jingïakynad jong ka jylla na ka bynta ka ilekshon Lok Sabha ka ban sa wan.
Kumba la pynbna, la ong ba ka jingthep vote kan sa long ha ki ar bynta, kata ha ka 19 tarik, Ïaïong bad ka 26 tarik, Ïaïong, kane ka rai ka la ban pyntikna ha ka ban pynïoh ka jingthep vote kaba laitluid bad kaba pynlait na kino kino ki jingjia khamtam ha kum kine ki por ba ka jylla ka dang ïakynduh jingeh, la ong u CEO Jha ha ka jingïakren bad ki nongthoh khubor ha Imphal.
U la ong ba haba la khmih bniah ïa ka jingdonkam ban pyntreikam ïa ki kynhun pahara, la dei ban buh kham bun ïa ki kynhun shipai ban pahara namar ka jingsakhi halor ki jinglong jingman hapoh ka jylla, ïa kaba la pyntreikam hapoh ka jingïalam jong u District Magistrates bad u Superintendents of Police.
Kumba la ïathuh ka tyllong khubor, la ong ba ki heh sorkar na kiba bun ki kynhun treikam ha kaba ïadei bad ka jingwanrah jingshngaiñ ha ka jylla ki la shah hukum ba ki la dei ban pynkhlaiñ ïa ki jingpyntreikam hadien ba ka la don ka jingïalang ban ïakren halor ki mat ba ïadei bad ka jingwanrah ka jinglaitluid bad ka jingshngaiñ ha ka jylla.
