Shillong, Lber 19
Ka Ri Bhoi Office Combine ka la pynliem noh ïa ka NEHU da 9 wiket na ka bynta ban khur ïa ka jingjop ha ka Inter Office Shillong Cricket League 2024 ha ka sngi Ba-ar.
Ha kane ka jingïakhun kaba la long ha madan Ukaliar, Shillong, ka NEHU ka la kam trai ban tied nyngkong ha kaba ka la kamai 65 run bad shah pynhap 9 wiket ha ka 12 over. U Manik Das u la tied 16 run ha ki 11 bol bad u Tony Ïawphniaw u la ïoh 13 run na ki 14 bol. Katba u Rijied star Marbaniang u la khur 3 wiket bad ia ki 2 wiket la khur da u A.K Sharma.
Haba wan shimti ïa ka pali kaba ar, ka Ri Bhoi Office Combine ka la kynjoh sha ka thong ha kaba ka la kamai 67 run bad shah pynhap shi wiket ha ki 8 over. U Probeson Bey u la tied 37run na ki 17 bol bad u Plielad Makri u la ïoh 14 ru na ki 26 bol. Katba u Arnell u la khur shi wiket. Ïa ka nam Player of the Match la khur da u Rijiedstar Marbaniang.
