Aizawl, Lber:
Ha ka jingpyntreikam ba la ïatreilang kata ha ka 18 tarik, Lber, hapdeng ki pulit jong ka Mizoram bad ki shipai ka Assam Rifles la ïoh ba kurup ïa 198 tylli ki synduk sabon ba la thep ïa u Heroin uba la don ïa ka jingkhia 2.393 kilo ha kaba la antad ba u la kot sha ka T. 71,79,000.
Ïa kine song la ïoh ba kurup na arngut ki briew ba la tip kyrteng kum u B. Liansanga (45) bad u R. Malsawmthara (35). Ha kawei pat ka jingpyntreikam, ki pulit ki la ïoh ba kurup da kumba 110 tylli ki Gelatin Stick kiba don ïa ka jingkhia kaba 14.084 kilo bad 110 tylli ki bom pynbthei na ki shijur ba la tip kyrteng kum ka Biakrema (29) bad u Ramthazuali (28) la ïathuh ki pulit jong ka Mizoram.
