London, Lber:
Katkum ki khubor la iathuh ba kawei ka liengsuiñ Eva Air Flight (BR67) ka la hap ban leit phai biang na Bangkok sha London ha ka Sngi Thohdieng mynshem taiew hadien ba uwei u nongleit jingleit u la ialeh ban shim jubor ia la ka jingim hapoh ka kamra leit bar jong katei ka liengsuiñ. Kumta katei ka liengsuiñ ka la leit hiar noh sha ka Kad Liengsuiñ ha Heathrow Airport ha katei ka sngi.
Ia ka daw jong katei ka jingjia ym shym la lah ban tip satia bad ki bor pyniaid liengsuiñ kim pat pynpaw ia ka kyrteng jong utei u briew haduh kane ka step Sngi Ba-ar ba la pynmih ia kane ka khubor.
