Shillong, Lber 19
Ka Nangkiew Irat SC ka la ïoh ïa ka jingjop kaba nyngkong ha ka lympung ïalehkai Shillong Premier League hadien ba pynliem ïa ka Sawmer SC da 2-1 kol ha ka Sngi Ba-ar ha SSA Stadium, Polo.
Kane ka nam jop ka la wan urlong lyngba u Shaibor Nongrum na ka bynta ban khur ïa ki 3 point.
Ha kane ka jing-ïakhun baroh ar kynhun ki la ïakhun tyngeh naduh kaba sdang. Ka Nangkiew ka la ïoh ïa ki kabu kiba biang, hynrei kam shym la lah ban pynkhih jar haduh kaba kut jong ka kylla step.
Hadien ba la bteng ïa ka jingïakhun jong ka kylla miet, ka Nongkiew Irat ka la ïoh ban thep shi kol lyngba u Shaibor ha ka minit kaba 62. Hynrei lyngba ka jingtrei shitom ka Sawmer ka la lah ban pynphai kylla lyngba u Diego Khriam ha ka minit kaba 71 na ka bynta ban ïakhaid mar shi kol.
Kumta ha shwa ban wai artad ka jingïakhun u Shaibor u la ïoh ban thep biang sa shi kol ha ka minit kaba 82 na ka bynta ban pynlong syndon ïa ka Nongkiew ba kan ïoh ïa ka jingjop.
Kane ka lympung kan bteng biang ha ka 22 tarik mynta u bnai ha kaba ka Shillong Lajong kan ïakhun pyrshah ïa ka Langsning FC ha ka por 3 baje janmiet.
