Shillong, Lber 19
Ka Royal CC ka la jop ha ka Super Division Shillong Cricket League 2024 hadien ba pynliem ïa ka Nongmensong CC da 3 wiket.
Ha kane ka jingïakhun kaba la long ha ka Sngi Ba ar ha madan Polo, ka Royal kaba la jop ïa ka kynting pisa, ka la ailad shwa ïa ka Nongmensong ba kan tied nyngkong. Ka Nongmensong haba wan ban tied ka la ïoh 212 run bad shah pynhap 9 wiket ha ki 45 over. U Kush Agarwal u la tied 65 run na ki 103 bol bad u Anish Charak u la ïoh 36 run na ki 41 bol. Katba u Abhishek Kumar u la shim 4 wiket bad 3 wiket da u Khalid Ahmed .
Haba wan beh ïa ka thong, ka Royal ka la lah ban kynjoh 213 run bad shah pynhap 7 wiket ha ki 42.1 over. U Swastic Chettri u la tied 66 run na ki 95 bol bad u Raj Biswa u la ïoh 46 run na ki 38 bol. Katba u Anish Charak u la shim 3 wiket bad 2 wiket da u Raghav Magotra. Ïa ka nam Player of the Match la khur da u Abhishek Kumar.
