Islamabad, Lber:
Ka tnat National Centre for Seismology jong ka Pakistan ka la pyntip ba u jumai ha ka jingthew ba 5.5 Magnitude u la pynkhynñiuh ia ka Pakistan ha ka step Sngi Balang.
La ong ba utei jumai u la khynñiuh ha ka por kumba 2:57 mynstep ha ka jingjylliew kumba 105 Kilometre, ha ka Longitude 65.93 bad 29.74 Latitude.
Ia utei u jumai la ïohsngew na ka nongbah Islamabad, Lahore bad kumjuh ha ki thaiñ ba marjan ka Khyber Pakhtunkhwa.
Katba ia ki jingtip ba bniah ym pat lah ban ioh bad la shu ioh jingtip ym shym don kiba shah ktah na utei u jumai ha katei ka step.
Kumjuh ruh ha u bnai Rymphang, la ong ba ka Pakistan ka la ioh mad ia u jumai ba 4.7 Magnitude uba la pynkhynñiuh ia ki thaiñ ki bym da shong skhem jong ka Pakistan. Katba ha u Kyllalyngkot pat, u jumai ba 4.3 Magnitude u la pynkhynñiuh ia ki thaiñ ba bun paid tam hapoh Pakistan.
