Shillong, Lber 20
Ka Meghalaya Football Association (MFA) ka la rai ban pynkhreh da ka song pisa ïa ki nongïalehkai ka Jylla kiba shah jied ban mihkhmat ïa ka ri India, la pynbna u President ka synjuk u Bah Hamletson Dohling ha ka Sngi Balang.
Kane ka jingpynbna ka long ha ka jingïalang pynkup burom ïa ka khlur ïalehkai ka Jylla ka Bonifilia Shullai kaba dang shen ka la ïoh ban mihkhmat ïa ka ri India ha ka SAFF U-16 Women’s Championship 2024 kaba la long ha Nepal ha kaba ka India ka wan ha ka kyrdan ba-ar.
Nalor ka khusnam pisa, u Bah Hamletson u la pynpaw ba ka MFA kan bteng ba kan pynkhlaiñ shuh shuh ïa ka Youth League bad shen kan sa shim ïa ka rai ban khreh pynlong ïa kane ka lympung mynta pat ka snem.
