New York, Lber:
Ki bor ba dei khmih ia ki nong India (Consulate General of India) hapoh New York ha ka Sngi Balang ki la pyntikna ba katei ka tnat ka dang wad bniah bad buddien halor ka jingjah rngai jong u khynnah pule 25 snem jong ka India hapoh Cleveland, uba la jah rngai naduh kaba sdang jong une u bnai Lber.
Ia utei u khynnah pule la ithuh kum u Abdul Arfath, uba long u nongshong shnong ka Nacharam jong ka jylla Hyderabad, bad uba la leit poi sah sha US naduh u Jymmang jong u snem 2023 ban leit pule ia ka laiñ Master ha ka IT hapoh katei ka skulbah kaba don ha Cleveland.
