Chennai, Lber:
Ka kynhun Enforcement Directorate hynnin ka sngi ka la pynlong ïa ka jingleit khynra pyrshah ïa u nongïalam jong ka seng AIADMK bad u Myntri barim jong ka Tamil Nadu u C Vijayabaskar kum shi bynta ban pynlong ïa ka jingtohkit ha kaba ïadei bad ka jingjia jong ka jingkamai ïa ka spah bymhok, la ïathuh ki heh ka kynhun.
Ki la don kumba 25 tylli ki jaka ïa kiba la shah khynra ha kaba ïadei bad ar tylli ki jingjia, la ïathuh shuh shuh ka tyllong khbor. U Vijayabaskar, uba long u Myntri barim jong ka tnat ka koit ka khiah, u la long u ‘riew radbah jong ka seng AIADMK na Pudukottai kaba ha Tamil Nadu.
Ka jingleit khynra ha ka jaka sah bad ki jaka treikam jong u ki la long ban tohkit halor ka (DVAC) jong u snem 2022 kaba ïadei bad ka jingpyntreikam ha kaba ïadei bad ka jingkamai ïa ka spah bymhok, ki la ong. Ki jaka ba la shah khynra ki kynthup ruh ïa ka kompeni Gsquare bad sha kiwei pat ki jaka ba la suba donkti kiba don ha kylleng ka nongbah Chennai na ka bynta ka jingtohkit kiba hap hapoh ki kyndon jong ka Prevention of Money Laundering Act (PMLA), la ïathuh shuh shuh ka tyllong khubor.
