Lucknow, Lber 21 (UNI)
U Myntri Rangbah ka Uttar Pradesh, u Yogi Adityanath, ha ka Sngi Palei u la ïakren bad u Myntri Rangbah ka Meghalaya, u Conrad K Sangma, ha kaba ïadei bad ka jingshah rahbor jong uwei u nongshong shnong ka Uttar Pradesh na South Garo Hills.
Na ka liang u Yogi u la kyrpad ïa u Conrad ba un pynthikna ba utei uba la shah rahbor ïa uba la tip kyrteng kum u Akhilesh Singh, un wanphai da kaba suk ba saiñ.
U Akhilesh Singh u dei uba shong ba sah ha Beniganj ha Kursi Road, Lucknow bad u trei kum u Mechanic bad Supervisor na ka bynta ki kali heh bad kawei ka kompani kaba dang shna surok ha South Garo Hills.
Hadien ba u la shah rahbor, u kontraktor u la pyntip sha ka kurim jong u Akhilesh, ka Sheela Singh. Na ka liang ka Sheela ka la kyntu ïa ka sorkar Uttar Pradesh bad Meghalaya ban ai jingïarap halor kane ka bynta. Hadien kata, na ka liang u Yogi u la kren bad u Conrad bad u la kyntu ba un shimkhia lem ha kaba ïadei bad katei ka jingjia.
