Chennai, Lber:
Ki pulit na ka kynhun Flying Squad ki la shah pynshisha ba ki la kurup ïa ka pisa kaba T. 47,000 na uwei u nongrep ha Sathyamangalam ha ka miet jong ka Sngi U Blei, wat lada ka Model Code of Conduct ka la khang ban rai pisa palat ïa ka T. 50,000 khlem ki kot ki sla ba biang. Hadien ba une u nongrep bad ki bahaïing jong u ki la pynlong da ka jingïakhih, ki heh pulit ki la pynphai noh ïa kane ka pisa sha u.
Kumba la ïathuh ka tyllong khubor la ong ba ha ka miet jong ka Sngi U Blei, ka Flying Squad ka la don bynta ban ïaid pahara ha Sathyamangalam kaba don ha Erode distrik. Ha katei ka por ki la sangeh bad khynra ïa ka kali ha kaba u samla bad ar ngut ki bahaïing jong u ki la donlang.
Kine ki la rah ïa ka pisa kaba T. 47,000 ha kaba kine ki pulit ki la pynngat ïa ki hapoh ki kyndon ha kaba la ong ba ki la pynkheiñ ïa ka Model Code. Une u samla u la ong ba kane ka pisa ka dei kaba la thmu ban ai sha ki bahaïing kiba don ha hospital, hynrei kine ki pulit kim ngeit. Dei haduh ba kin da pynlong da ka jingïakhih pyrshah, kine ki pulit kin sa pynphai ïa ka pisa.
