Imphal, Lber:
Ha ka jingpyntreikam kaba la pynlong ha Imphal East distrik jong ka Manipur, ar ngut ki briew kiba la donkti ha ka kam khaïi drok ki la shahkem ha ryngkat 3 kilogram u Brown Sugar bad la antad ba u la kot sha T. 15 klur ha ka ïew bar ri.
Kum shi bynta bna pyntreikam hadien ba la ïoh khubor, ka kynhun ba ju ïakhun pyrshah halor ki kam khaïi beaiñ jong ka Customs Division, Imphal, ka la pynlong ïa ka jingleit khynra ha ki bynta jong ka Standard College, Kongba Kshetri Leikai, Imphal East distrik jong ka Manipur.
Kine kiba la shahkem ki dei kiba la tip kyrteng kum u Abdul Rahman (41) na Yairipok Tulihal Mayai Leikai, Imphal East distrik, bad u Md Feizuddin (38) na Lilong Chingkham Makha Leikai, Thoubal distrik jong ka Manipur.
