Shillong, Lber 21
Ki rang bad ki ‘thei ïalehkai Athletics ka Jylla ki la lah ban pynpaw ïa ka jingtbit ha ka lympung ïalehkai 3rd North East Games kaba dangïaid shaphrang mynta ha Kohima ha kaba ki la lah ban khur haduh 14 tylli ki takma.
Haduh ka sngi kaba lai jong kane ka lympung, ki nongïalehkai Athletics ki la lah ban khur 2 tylli ki takma ksiar, 4 ki takma rupa bad 8 tylli ki takma rnong.
Watla ka jylla ka la lah ban phah ban ïashim bynta ha ki 14 tylli ki jingïalehkai hynrei tang ka Athletics kaba la khur bun eh ki takma, kaba la wan ba-ar ka dei ka Pencak Silat ha kaba la bud sa ka Badminton, Wushu, Table Tennis bad Taekwondo.
Katba kiwei pat ki jingïalehkai kiba kynthup ïa ka Archery, Basketball, Boxing, Football, Belt Wrestling, Freestyle Wrestling, Lawn Tennis, Volleyball bad Wushu kim pat shym la ïoh ban khur takma haduh ka sngi kaba lai.
