Shillong, Lber 22
Kawei ka kali Pickup kaba kit synsar kaba dang wan hiar na ki thaiñ Upper Shillong bad wan na Jowai bad thmu pat ban leit pynhap ïa u synsar sha Mawïong, ha ka step jong ka 22 tarik u Lber 2024 ka la kylla kynsan hapdeng surok ha lad Lummawbah.
Katei ka kali Pickup ka dei kaba don ïa u nombar ML 05 T 3488. Ka jingkylla jong katei ka kali Pickup ka dei namar na ka jingkit palat pud ïa u synsar kat haduh ba u nongñiah jong katei ka kali um lah shuh ban tehlakam ïa ka.
Ha katei ka jingjia ym don satia kano-kano ka jingjia kaba sngewsih ne ka jingjulor jong ki kali ne ar shaka kiba ïaid marjan bad kane ka kali. Katba u nongñiah jong ka kali Pickup pat u la mynsaw malu-mala bad la pynkit noh sha Civil Hospital Shillong ban ïoh ïa ka jingsumar.
Hadien katto-katne por eiei, ka kali khwai ka la wan ban khwai bad tan noh ïa katei ka kali Pickup kaba la kylla hapdeng surok khnang ban nym don ka dheng kali.
