Shillong, Lber:
U Myntri jong ka sorkar Meghalaya u Bah A L Hek bad ki heh jong ka Bharat Petroleum Corporation Limited ((BPCL) ki la plie paidbah biang ïa ka jaka khaïi mar ka M/s Nes Jorabat jong ka BPCL.
Ha kane ka sngi la rakhe syndon ïa ka jingdap 18 snem ha ka rukom kaba kyrpang.
Ïa kane ka jingrakhe la pynphuh pynphieng da ka jingdon jong ki kongsan kiba kynthup ïa u Zubeen Garg uba long u nongrwai bad u briew ba paw jong ka Assam, bad u A L Hek, uba long u Myntri jong ka sorkar Meghalaya, napdeng kiwei pat.
Ha kane ka sngi la plie paidbah biang ïa ka jaka khaïi ka Nes Jorabat bad pynïar shuh shuh ïa ki rukom pyntreikam, kynthup ha kaba ïadei bad ka jingwanrah ïa ka kynhun ka ban shakri ïa ki kam ha kaba ïadei bad ka jingtrei na ka bynta ki kali rit kum ki SUV, Car, bad ki Sedan, halor ka jingthmu ban buh ïa ki jingshakri halor ki CNG hadien habud.
Kum shi bynta ban pynpaw paidbah ïa ki sienjam, u Myntri ka sorkar Meghalaya u la pynkynmaw shaphang ki jingsdang jong ki jingpyntreikam jong kane ka jaka khaïi mar ha ki 18 snem ba la leit bad ai ka jingïaroh ïa ka jinglah treikam ha kaba ïadei bad ka jingthung kam sha palat 150 ngut ki trai shnong, khamtam ïa ki kynthei Khasi.
Ha ka jingkhap ribbon la don bynta da u Jubin Garg, Bah A L Hek, bad u Debashis Naik, ha ryngkat ka jingdonlang jong ki heh ka BPCL.
