Vijayawada, Lber:
U Chief Secretary u KS Jawahar Reddy u la hukum ïa ki heh sorkar ban pyntikna ba kan ym dei ban don ka jingkyrduh umbam-umdih ha ka jylla Andhra Pradesh haduh bakut u ‘nai Jylliew da kaba pyntreikam ïa ka jingthmu pyntreikam kaba la mang ha ka jinglut kaba ` 115 klur.
Ha ka jingpynlong ïa ka jingïalang bad ki heh jong ka Panchayat Raj bad jong ki tnat ka Rural Development, Rural Water Supply and Municipal Water Supply ha State Secretariat ha ka Sngi Palei, u Chief Secretary u la banjur ha kaba ïadei bad ka jingpynbiang ïa ka umbam-umdih ha ki thaiñ nongkyndong bad kumjuh ha ki thaiñ sor.
Ki heh sorkar ki la dei ban pyndep ïa ka kam kaba sah ha kaba ïadei bad ka jingpyntreikam ïa ki skhim sam umbam-umdih ha kum kane ka por. La dei ban shim ïa ki sienjam na ka bynta ban pynurlong halor ka jingthmu ban pyllang ïa ka um ha ki pung ha ka por slap, halor ka jingpyntreikam kiba la ïaid shakhmat lyngba ki skhim pynbiang um.
Ka jingshna maramot ïa ki pung um la dei ban pyntreikam noh, u la ong. Kum ka jingai hukum ïa ki heh sorkar na ka bynta ban pynsted ha ki rukom pyntreikam halor ki jingmudui ba ïadei bad ki jingduna ban pynbiang ïa ka umbam-umdih lyngba ka 1904 Call Centre, u la ong ba ka jingtrei shitom ka la ïaid shakhmat na ka bynta ban pyntikna ha ka ban ym wanrah jingeh shuh ha kaba ïadei bad ka jingpynbiang ïa ka umbam-umdih ha ka jylla.
U Principal Secretary (Panchayat Raj and Rural Development) u Shashi Bhushan Kumar u la ong ba ïa ki pung um jong ki riew shimet yn sa shim wai kum shi bynta ban pyntreikam halor ka jingthmu ban pyllang ïa ka um slap.
