Khliehriat, Lber 22
Ha kawei ka jingtohkit ba la leh hapoh Khlieh-riat Women’s Police Station katkum ka C/No. 43(12)2022 U/s 7/8/9(l)/10 POCSO Act, la shimti da ka PSI, D.K. Shabong ha kaba ïadei bad ka jingleh khlem akor ïa kawei ka khynnah.
Hadien ka jingtohkit la mudui katkum ka CS No.02/2023 dated 3-01-2023.
Hadien ba la pyndep ïa ka jingbishar, ka Special Judge POCSO, East Jaiñtia Hills District Khliehriat, ka la rai pynrem ïa u Biru Gaud bad pynngat ïa u hapoh ka Section 8/10 ka aiñ POCSO.
Ka ïingbishar ka la rai pynrem da kaba phah set patok 3 snem ryngkat ka kuna T. 10,000 hapoh ka Section 8 jong ka POCSO Act bad ruh ban set patok sa 5 snem ryngkat ka kuna T. 10,000 hapoh ka Section 10 jong ka POCSO Act.
