Silchar, Lber:
Ki la don baroh kumba 13, 51,496 ngut ki nongthep ‘vote’ ha Cachar ki ban sa shim ïa ka rai ha ki EVM ha kaba ïadei bad ka ilekshon Lok Sabha. Ha Silchar Lok Sabha konstitwensi, la sakhi ba ka la don ka jingkiew da 2 lak ngut ki nongthep vote haba ïanujor bad ka ilekshon kaba la dep.
Ha u snem 2019, ka jingdon jong baroh ki nongthep ‘vote’ ha kane ka konstitwensi ka la long da 11,91,289 ngut. U District Commissioner u Rohan Kumar Jha ha ka jingïakren bad ki nongthoh khubor, u la ong ba ha une u snem kin sa don kumba 1551 tylli ki jaka thep ‘vote’ ha Silchar konstitewnsi.
Na ki 13, 51,000 ngut ki nongthep ‘vote’, ka jingdon jong ki nongthep ‘vote’ kiba dei ki shynrang ka la long 6, 76,331 ngut katba kiba dang sah ki long 6,75,141 ngut kine ki dei ki kynthei. Sa kiwei pat ki 24 ngut ki dei kiba don ïa ka jinglong kynthei bad shynrang.
Katkum ka jingkhmih bniah na ka jingdon jong ki nongthep vote ha ki por ba la leit, la ong ba ha Lakhipur ki la don 1,68,202 ngut, ha Udharbond 1,84,372 ngut, ha Katigorah 2,09,658 ngut, ha Borkhola 1,99,152 ngut, ha Silchar 2,13,386 ngut, ha Sonai 1,85, 952 ngut bad ha Dholai (SC), baroh ki nongthep vote ki la don 1,90,774 ngut.
