Shillong, Lber:
Ka North East Small Finance Bank (NESFB), kaba long ka shnat ba ai jingshakri ha ka liang ka jingpynïaid ïa ka pisa pilaiñ ne ka Bank ha ka thaiñ, ka la pyllait paidbah ïa ka Fixed Deposit Scheme ban nang kyntiew shuh shuh ïa ka rukom pynïaid ïa ka ïoh ka kot bad ka rukom pynïaid ïa ka pisa pilaiñ na ka bynta ki nongbuh pisa.
Da ka jingbuh ïa ka dor jong ka sut kaba long 8.50% na ka bynta ki riew paidbah bad 9.25% ka sut na ka bynta ki nongshong shnong ba la san ha ka rta, ka NESFB ka la buh ïa ka thong kaba thymmai ha kaba ïadei bad ka jingkynshew pisa bad ban nang kyntiew shuh shuh ïa ki lad ki lynti ha ka rukom kynshew ïa ka pisa.
Ka dor kaba thymmai jong ka FD ba la wanrah da ka NESFB ka la nang pynkhlaiñ shuh shuh ïa ka jingtreikam jong ba Bank ba yn lah ban wanrah ïa ka jingbit jingbiang ha ka liang ka pisa pilaiñ bad ka bha ka miat, kaba ïahap bad ka jingtreikam jong ka ban ban pynkup bor ïa ki nongbuh pisa, khamtam na ka bynta ki nongshong shnong kiba la san ka rta kiba ha ka thaiñ Shatei-lam-Mihngi.
Ka Fixed Deposits (FD ka long kum ka lad ban ïoh pisa ha ka rukom kaba neh na ka bynta kiba la kham san ka rta, kaba ïasyriem bad ka bai bam tymmen ne ka pension, ha kaba ka sut kaba mih na kaba thep ïa ka pisa ka long kaba lah ban ïoh na ka por sha ka por bad ïarap ban ai jingkyrshan ïa ki hadien ba ki la shongthait, namar ba ka sut kaba mih na kane ka jingbuh ka long ka jingïoh kaba lah ban shaniah.
U Satish Kumar Kalra, MD & CEO, North East Small Finance Bank u ong, “Katba ngi dang ïai bteng ban kiew bad nang lah ban pynbha shuh shuh ïa ka kam, ka thong jong ngi ka long ba ngin ai jingshakri sha ka imlang sahlang bad wanrah ka jingkylla kaba bha ha ka liang ka ïoh ka kot”.
Ka North East Small Finance Bank (NESFB) ka aiti lut ban trei na ka bynta ban ai ïa ki lad kabu ki ba bha tam sha ki nongbuh pisa ha Assam,da kaba pyndonkam ïa ki shnat treikam jong ka ha ka rukom kaba biang tam.
Ka Bank ka la wanrah ruh ïa ki jingshakri ha ka rukom buh pisa ïa kaba lah ban leh lyngba ka Digital bad kumjuh ruh ïa ki jingshakri ban nang pynkup bor ïa ki briew ba kin long kiba dap ba biang ha ka rukom pynïaid ïa ka pisa pilaiñ, da ka jingthmu ban kyntiew ïa ka ïoh ka kot ha ka imlang-sahlang bad pynlong ïa ka thaiñ kaba khlaiñ.
