U prah ha ngi ki Khasi u long u kynja tiar ba pyndonkam haba peh khaw, jied khaw bad peh stait. U long kum ki tiar ki tar ba thaiñ da ki kynja thri ne ïawar. U wan na ka thup ki thiar kum ki kriah ki shang, u star ka khoh, ka ruh ka knup, ka trap bad kiwei kiwei ki kynja jingthaiñ ban buh jingbuh kum ki shang kwai bad kiwei kiwei. ïa u prah phin lap ha kiba bun ki longïing longsem jongngi ki Khasi – Pnar. Ha nongkyndong kiba bun ki peh khaw, tai khaw bad ki peh stait da u prah. Ki kyrsieh ne tai khaw da u prah ban pynïakhlad ïa u khaw na u skop. ïa u prah ki pyndonkam ha man ki longïing longsem kiba im da ka rep ka riang, la kiba rep kba ha pynthor ne ha ki jaka lum kum kiba syrti lyngkha ne rep jhum (Cultivation) U Prah kim ju pyndonkam ha ki kam saiñ hima sima. ïa u prah ki pyndonkam ki nongrep ym ki ‘Iar mangkalai, ïa u prah ngi dang pyndonkam naduh ki por ba mynshwa haduh kine ki sngi ruh.
C. B. Iawphniaw
