Israel, Lber:
Katkum ki khubor, la ong ba ka Israel ha ka Sngi U Blei ka la plie bad ai lad ia ki paidbah nong Palestine na North Gaza Strip ba leit rung bad leit phai biang sha kito ki bynta ba la synshar bad ioh kurup da ki shipai Israel katba ka Israel ka dang pynbeit ban iakren sangeh thma ha kane ka por.
Namar la ong ba baroh arliang naduh ki Hamas bad ka Israel ruh la iohi ba ha kane ka por ki la sdang ban ailad bad sdang pyrkhat thymmai ban ioh pynsangeh noh ia ka thma da kaba wanrah ia ki jingiakut ban pyllait briew markylliang. Kane ka long hadien ka jingtrei shitom ruh jong ka Qatar bad ka Egypt ha kine ki taiew ba la leit kum shi bynta ban ioh ai jingiada ba kyrkieh na bynta ki paid nongshong shnong ka Gaza.
