Shillong, Lber 26
Hapdeng ka jingshah pynthut ha u slap, ka synjuk ïalehkai jong ka East Khasi Hills Cricket Association ka la lah ban pynlong ïa kawei na ka jingïalehkai jong ka 3rd District League T20 Cricket Tournament 2024 ha ka Sngi Ba-ar ha Shortimai Syiem Stadium kaba ha Smit.
Ha kane ka jingïakhun kaba nyngkong ka Laitjem C.C ka la ïoh ïa ka jingjop hadien ba ka la lah ban pynliem noh ïa ka Thangsning C.C da 7 wiket. Ka Thangsning kaba la kam trai ban tied nyngkong, ka la kamai 74 run bad shah pynhap 9 wiket ha ki 14 over. U Khrawkupar Kharumnuid u la tied 31 run na ki 37 bol. Katba u Antony Pathaw bad u Manchester Pathaw ki la khur mar 3 wiket na ka bynta ka Laitjem.
Haba wan shimti ïa ka pali kaba ar, ka Laitjem ka la kynjoh sha ka thong ha kaba ka la kamai 75 run bad shah pynhap 3 wiket ha ki 12.4 over. U Poil-angson Thawmuit u la tied 30 run na ki 18 bol. Katba u Kitlyngkor Nong -khlaw u la khur shi wiket na ka bynta ka Thangsning. Ïa ka nam Man of the Match la khur da u Poilangson Thawmuit.
Haba phai sha kawei pat ka jingïakhun hapdeng ka Sohra Combine C.C bad ka Thynroit, la hap ban pynsangeh noh na ka daw ka jingshah pynthud ha u slap. Te kumta kine ki kynhun ki la ïasam mar shi point.
