Guwahati, Lber:
Ha kawei pat ka jingïohpdiang ïa ka jingjop hadien ka jingtrei shitom kaba khlem sangeh pyrshah ïa ka jingpang ïabit, ka sorkar Nagaland ka la ong ba ki la don kumba 78 tylli ki shnong ha ka jylla kiba la lait mynta na ka jingpang Tuberculosis (TB).
Kine ki shnong ki kynthup ïa ki 34 tylli kiba don ha Phek distrik, 19 tylli ha Longleng, 9 tylli ha Wokha, 4 tylli ha Mokokchung bad 3 tylli ha Kohima, la ïathuh ka heh ba dei khmih.
Ïa ka World Tuberculosis Day la rakhe ha kylleng ki ri ka pyrthei ha ka sngi U Blei. Kumba la ïathuh ka sorkar jylla, la ong ba la pynlong ïa ka prokram National TB Elimination Programme bad shem ba kine ki shnong ki la lait na ka jingshah ktah ha ka jingpang TB, la ong ka heh ba dei khmih.
Kumba la ïathuh ka tyllong khubor, la ong ba ka Nagaland ka la don ïa kumba 4,284 ngut ki briew kiba la ïoh ïa ka jingpang TB ha u snem 2023.
Ïa ka World Tuberculosis Day la ju rakhe ha ka 24 tarik, Lber, haba u Dr Robert Koch u la pynbna ha u snem 1882 ba u la lap ïa u khñiang jingpang uba la wanrah ïa ka jingpang TN, ha kaba kane ka la plie lad ban lah ban ïakhun pyrshah bad pynkoit ïa kane ka jingpang.
