Aizawl, Lber:
U President jong ka seng BJP ha Mizoram u Vanlalhmuaka, uba long ruh u kyrtong jong ka seng ban ïakhun ha ka ilekshon Lok Sabha, u la ong ba ka Mizoram ka la dei ban pynkylla ïa ka bor sngewthuh bad ban leh ïa ki kam ban kyrshan ïa ka BJP khnang ban lah shuh shuh ban wanrah ïa ki kam pynroi ha ka jylla. Ka seng BJP ha ka sngi U Blei ka la pynbna ïa ka kyrteng jong u Vanlalhmuaka ba un long u kyrtong ban ïakhun ha ka ilekshon ban wan kaba long tang na kawei ka konstitwensi ha Mizoram bad ïa kane ka rai la pynbna ha ka shlem treikam jong ka seng kaba don ha Aizawl.
Ha ka jingai jingkren ha ka jingïalang ba la pynlong hadien ba la dep ban pynban ban long u kyrtong, u Vanlalhmuaka uba la pynpaw ba ka kynhun NDA kan sa bat ïa ka bor synshar hadien ka ilekshon Lok Sabha u la ong ba ka Mizoram ka la dei ban ithuh ha ryngkat ka jingtreilang jong ka sorkar NDA ban wanrah shuh shuh ïa ki kam pynroi ha ka jylla da ka jingïarap jong ka sorkar kmie.
